بعض الأسئلة التي تخطر ببال مربي الحمام

بعض الاسئلة الى بتتكرر كتير الايام دى واجابات هذه الاسئله لكى يستفاد الجميع
اولا قبل اى حاجة علشان متتعرضش للمشاكل دى

اهتهم بتنضيف مكان التربية واهتهم بالكاسيوم

واهم حاجه مكان التربية يكون دخلو شمس ويكون جيد التهوية

ومدخلش على حمامك حمام غريب ولو دخلت عليه حمام غريب

احبسو 3 ايام فى عين لوحده ليكون عيان ولا حاجه

لو مشيت ورا التعليمات دى انشاء الله هتكون فى السليم
=========================================
1_ عندى قص بقالهم كتير مشتغلوش اعمل معاهم ايه ؟

مش هتعمل حاجه لو القص دول كانو شغلين وبطلو شغل
يبقا هما كبرو فى السن او بيريحو حبه مبين فصلى الصيف والشتا
ولو مشتغلوش قبل كده يبقا القص دول عطااااااااااال
او يكونو لسه بيفكو ريش ولسه بدرى عبال ميشتغلو
=========================================
2_عندى قص باضو بيضه صغيره عن حجمها الطبيعى؟

دا يا معلم يبقا نقص كالسيوم والحل تجيب كالسيوم فاركو من الصيدلية
وهتدى لكل فرد منهم نص حبايه كل يوم لمده 3 ايام تكفى
=========================================
3_ عندى الزغلول معرفش يخرج من البيضه؟
دا يبقا زياده فى الكالسيوم يباشا حاول تفتحلو انت البيضة
وبعد كده اهتهم بتمليح الطبيعى لحمام
=========================================
4_ الحمام بتاعى بيعطس وعندو برد؟

سهلة وبسيطه ومش هقولك روح وجيب وجيب واسحلك معيا
لا انت هتدى الحمام بتاعك توم وهتعصر لمونة على المياه الى بيشربو منها
والحمام هيبقا زى الفل
=========================================
5- عندى دكر بيروق يعنى بيكسر على النتايه والبيض بيطلع فاضى؟

الحكايه دى بمشئيه الله بس احنا هنعمل الى علينا
وهنديلو فلفل اسمر 7 حبيات كل 3 ايام لمده اسبوع
وهنحطلو فى طاجن الاكل حبه حلبه كل 3 ايام لمدة اسبوع
ولو مشتغلش يبقا دى قدرة ربنا والدكر دا اصلا عقيم
=========================================
6_ عندى قص تحتيهم زغلول ضعيف والتانى مليان كويس؟

دى حلها سهل برده اول ما النتايه تبيض البيضه الاولى شلها ومتحطهاش الا اما تبيض التانيه
علشان الزغلولين يطلعو مع بعض ويكتفو هما الاتنين بمقدار البن الى الزغاليل بتخدو او 3 ايام ليها
=========================================
7_ جالى مرض الروشه ومش عارف اعالج الحمام ازاى؟

انت كل الى عليك تقول عوضى على الله فى الحمام الى راح
وتدبح الحمام العيان كله والى لسه مش عيان هتديلو مصل بتاع تحصين الروشة
من عند الدكتور الى فى السوق
=========================================
8- عندى فرد عنده بتاع شكله غريب فى حلق فمه من جوه؟

دا يابشا مرض الكنكر وعلاجو مرهم فلاجيل جاب نتيجة مع ناس كتير
بس انا عن نفسى مجربتهوش
=========================================
9_ انا بحط لاحمام على الكلفه رز هل دا مضر ولا لا؟

طبعا مضر ياباشا لان الرز بيجيب اسهال لحمام
=========================================
10 _ الحمام عندى كمشان ومش بياكل كويس؟

دا نقص كالسيوم وحاول تدخل الشمس على الحمام ويكون الحمام عايش فى مكان جيد التهويه
=========================================
11- جبت قص ومش عارف مين فيهم الذكر ومين الانثى؟

الذكر يا باشا هتلاقيه بيزوم وبيطلع صوت كده وبينفع صدره وبتلاقيه بيلف حولين نفسه
انما النتايه ممكن تطلع صوت بس مش هتلف حولين نفسها وهتلاقيها ديما مش عدوانيه
وتبقا خايفه
=========================================
12 - عندى زغلول ابو وامو مش بيزقو اعمل معاه ايه؟

القص دول مش عندهم خبره فى زق الزغاليل
وعلشان الزغلول يعيش هتجيب سرنجه صغيره واول 3 ايام من عمره
اديلو 1 سنتى لبن كل 6 سعات وبعد كده اطحنلو الدره وحط عليها مياه
وادهالو بسرنجة برده
=========================================